Եղիշե Չարենցը
Ես իմ անուշ Հայաստանի արևահամ բարն եմ սիրում,
Մեր հին սազի ողբանվագ, լացակումած լարն եմ սիրում,
Արնանման ծաղիկների ու վարդերի բույրը վառման,
Ու նաիրյան աղջիկների հեզաճկուն պա՛րն եմ սիրում։
Սիրում եմ մեր երկինքը մուգ, ջրերը ջինջ, լիճը լուսե,
Արևն ամռան ու ձմեռվա վիշապաձայն բուքը վսեմ,
Մթում կորած խրճիթների անհյուրընկալ պատերը սև,
Ու հնամյա քաղաքների հազարամյա քա՛րն եմ սիրում։
Ո՛ւր էլ լինեմ — չե՛մ մոռանա ես ողբաձայն երգերը մեր,
Չե՜մ մոռանա աղոթք դարձած երկաթագիր գրքերը մեր,
Ինչքան էլ սո՜ւր սիրտս խոցեն արյունաքամ վերքերը մեր —
Էլի՛ ես որբ ու արնավառ իմ Հայաստան — յա՛րն եմ սիրում։
Իմ կարոտած սրտի համար ո՛չ մի ուրիշ հեքիաթ չկա․
Նարեկացու, Քուչակի պես լուսապսակ ճակատ չկա․
Աշխա՛րհ անցի՛ր, Արարատի նման ճերմակ գագաթ չկա․
Ինչպես անհաս փառքի ճամփա՝ ես իմ Մասիս սա՛րն եմ սիրում։
Առաջադրանքներ
1.Լրացնել բաց բառակապակցությունում բաց թողնված բառը:
_ արևահամ բար
_ լացակումած լար
_ արնանման ծաղիկներ
_նաիրյան աղջիկներ
_հեզաճկուն պար
_ երկինքը մուգ
_ ջրերը ջինջ
_ լիճը լուսե
_ վիշապաձայն բուքը
_ անհյուրընկալ պատեր
_ հնամյա քաղաքներ
_ հազարամյա քա՛ր
_ երկաթագիր գրքեր
_ արյունաքամ վերքեր
_ լուսապսակ ճակատ
_ ճերմակ գագաթ
2. Ո՞ր քառատողը ամենից շատ քեզ դուր եկավ:
Ես իմ անուշ Հայաստանի արևահամ բարն եմ սիրում,
Մեր հին սազի ողբանվագ, լացակումած լարն եմ սիրում,
Արնանման ծաղիկների ու վարդերի բույրը վառման,
Ու նաիրյան աղջիկների հեզաճկուն պա՛րն եմ սիրում։
3.Ի՞նչ տրամադրություն ունի բանաստեղծությունը: Ինչ ես զգում այն կարդալիս:
Բանաստեղծությունը ունի Երևանյան տրամադրություն։ Զգում եմ բնության հոտը։
4.Նշիր քեզ համար Հայաստանի 7 հրաշալիքները:
Ջրվեջը, Սևանա լիճը, Գառնիի տաճարը, Մեղրաձորի եկեղեցին, Գեղարդը, Էջմիածնի Մայր Աթոռը, Նորավանք եկեղեցին։